Во Vintage+ сакаме нашите купувачи да бидат задоволни од купените производи. Оваа Политика ги регулира условите и постапката за враќање на производи, откажување на нарачки и поврат на средства.

Право на враќање

Купувачот има право да се повлече од купувањето и да го врати производот во рок од 15 дена од денот на приемот на производот, без да наведе причина за враќањето.

За да биде прифатено враќањето, производот треба:

• да биде во исправна и неоштетена состојба;
• да не покажува знаци на употреба или оштетување;
• да биде со оригиналната амбалажа, доколку истата била доставена со производот;
• да ги содржи сите придружни делови и опрема што биле испорачани со него.

Купувачот е одговорен за намалување на вредноста на производот доколку производот бил користен или со него било постапувано повеќе од потребното за проверка на неговата природа, карактеристики и функционалност.

Постапка за враќање

Пред враќање на производот, купувачот треба да го извести Vintage+ преку контакт податоците објавени на веб-страницата.

Во известувањето потребно е да се наведат:

• име и презиме на купувачот;
• телефонски број;
• производот кој се враќа;
• датум на купување/прием;
• причина за враќање, доколку купувачот сака да ја наведе.

Производот треба да биде вратен без непотребно одлагање по известувањето за повлекување.

Трошоци за враќање

Директните трошоци за враќање на производот ги сносува купувачот, освен доколку производот е доставен оштетен, неисправен или различен од нарачаниот.

Не прифаќаме пратки испратени со откуп без претходен договор со Vintage+.

Поврат на средства

По приемот и проверката на вратениот производ, Vintage+ ќе изврши поврат на средствата доколку се исполнети условите за враќање.

Повратот се врши најдоцна во законски предвидениот рок, а може да биде задржан до моментот кога производот ќе биде вратен или купувачот ќе достави доказ дека производот е испратен назад.

Доколку плаќањето е извршено со платежна картичка, повратот по правило се врши на истата платежна картичка/сметка преку која е извршена трансакцијата, согласно правилата на банката и платежниот процесор.

Кај плаќање при достава, начинот на рефундација се договара со купувачот.

Оштетен производ при достава

Доколку производот пристигне оштетен, купувачот треба да го пријави оштетувањето веднаш, а по можност најдоцна во рок од 24 часа од приемот, и да достави фотографии од производот и амбалажата.

Доколку се утврди дека производот е оштетен при транспорт или е испорачан неисправен, Vintage+ ќе организира замена или друго соодветно решение без дополнителен трошок за купувачот.

Пријавувањето во рок од 24 часа служи за полесно утврдување на оштетување при транспорт и не ги ограничува законските права на потрошувачот.

Персонализирани производи

За производи изработени по индивидуални барања на купувачот, како што се посебни димензии, дизајн или друга персонализација, правото на повлекување може да биде ограничено согласно важечките законски прописи.

Сторнирање на трансакција

Доколку нарачката сè уште не е испратена, купувачот може да побара нејзино откажување.

Кај веќе извршено електронско плаќање, сторнирањето или повратот на трансакцијата се спроведува преку платежниот систем и банката преку која е извршено плаќањето.

Vintage+ го задржува правото да побара дополнителни информации потребни за идентификација на трансакцијата.

Контакт

За барање за враќање, рекламација или поврат на средства, контактирајте нè преку контакт информациите наведени на веб-страницата Vintage+.

Веб-страница: www.vintageplus.mk